Profesores galegos fórmanse na sede do CERN en Xenebra

Unha axuda da Fundación Aquae e Viaqua permite a tres profesores galegos participar nos programas de formación do famoso CERN de Organización Europea para a Investigación Nuclear, en Suíza.

Actulizar os seus coñecementos en física, enxeñería e computaciónes un dos fins da iniciativa. Os mestres aprenderán ferramentas para fomentar vocacións científicas e tecnolóxicas entre os seus estudantes.  Algo moi necesario, pois en España só o 12,9% dos mozos elixirá graos de ciencias, unha rama pola que se decantará unicamente o 8,8% das mozas. 

Profesores galegos no grupo de españois que estuda no CERN

Blanca Rodríguez (Instituto de Educación Secundaria Plurilingüe Xosé Neira Vilas, en Oleiros), Natalia Abelenda (I.E.S. Terra de Soneira, en Vimianzo) e Javier Seoane (Centro Autonómico de Formación e Innovación da Coruña) son os tres galegos seleccionados de un 20 profesores de ciencias e tecnoloxía de España.

Dirixidos por Jeff Wiener, director de S'cool Lab (Programa de Formación de Profesores do CERN), os mestres españois bolseiros están a profundar, a través de clases maxistrais, conferencias, talleres prácticos, sesións de discusión e exposicións, no coñecemento da física de partículas, a computación, os antiprotones que se producen na Fábrica de Antimateria do CERN, a física de neutrinos, a cosmoloxía ou os aceleradores .