Protestas nos centros de saúde de Santiago e A Coruña para lograr "máis tempo" para os pacientes

Médicos de centros de saúde da área da Coruña concentráronse este mércores para reclamar "máis tempo" para os pacientes, segundo informa a Asemblea da área Sanitaria da Coruña. Unha mobilización similar está prevista para o venres na capital de Galicia. 

Médicos concentrados ante un centro de saúde da Coruña

Nun comunicado, lembran que, a estas protestas, sumarase unha folga de facultativos o día 19, ao que están convocados médicos de familia, pediatras, odontólogos, farmacéuticos, MIR e técnicos de saúde de toda Galicia.

Por outra banda, a Asemblea da área Sanitaria da Coruña denuncia a "falta de iniciativa política" da Consellería de Sanidade e o "abandono da atención primaria". Ademais sinalan que o lema desta protesta "e o obxectivo" é lograr "máis tempo para os pacientes".