Ferroatlántica obrigada a readmitir ao traballador despedido por un comentario en Facebook

|

O Xulgado do Social da Coruña declarou nulo o despedimento do traballador de Ferroatlántica en Cee (A Coruña) e membro do Comité de empresa coa CIG, José Ramos, e condenou á compañía á súa readmisión. Ademais, obriga á empresa para pagarlle os salarios que deixou de percibir e a abonar unha indemnización polo dano moral derivado da vulneración do seu dereito fundamental á liberdade de expresión sindical.



Ferroatlántica, Industria



Así o informou a CIG a través dun comunicado, no que sinala que se trata dun "novo fracaso de Ferroatlántica no seu ataque aos traballadores e ao emprego da Costa da Morte".


O traballador, despois de 28 anos traballando en Cee, fora despedido supostamente despois de publicar un comentario na rede social 'Facebook', "nun clima de gran tensión sindical, con posturas enfrontadas dentro do Comité", debido á negociación do convenio colectivo.


A CIG argumentara que o despedimento non se debía á publicación na rede social senón que era "unha represión de Ferroatlántica contra a central sindical" pola loita contra a venda das centrais hidroeléctricas.


A sentenza xudicial, expón a CIG, considera que a decisión de Ferroatlántica constitúe unha "vulneración do dereito fundamental da liberdade de expresión na súa vertente de liberdade de expresión sindical". Ademais, condena á empresa para pagarlle unha indemnización ao traballador no grao de infracción moi grave.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress