Os presos independentistas cataláns serán sentenciados este outono

Quedan polo menos tres semanas máis do xuízo que está a marcar a vida política estatal e pode condicionar a formación de Goberno. O maxistrado Marchena estima que redactará a sentenza este verán.

O presidente da Sala do Penal do Alto Tribunal, Manuel Marchena,confía en que a sentenza sobre o procés independentista de Catalunya estea lista para antes de novembro.

Segundo as previsións, o xuízo do referendum ilegal finalizará a primeira quincena de xuño, entre o día 11 ou 12, e quedará visto para sentenza.

Despois, comezarán as deliberacións da Sala. Os sete membros do tribunal deben poñerse de acordo sobre o auto e as penas para cada acusado nos días posteriores ao xuízo.

Unha vez pacten, Marchena aproveitará a época vacacional para traballar sobre o auto ao cento por cento e redactar a sentenza.

Isto levaralle a Marchena practicamente todo o verán, polo que se espera que a finais de setembro ou en outubro déase a coñecer a sentenza. O obxectivo é tela lista antes de novembro.