O convenio da sanidade privada necesita “un cambio de actitude”, segundo CCOO

O sindicato reclama melloras n as condicións laborais, así como unha mellor remuneración.

Segue o tira e afrouxada dentro da sanidade privada para lograr un novo convenio no sector. A Federación de Sanidade de Comisións Obreiras de Galicia pediu “un cambio de actitude” por parte dos axentes que interveñen na negociación. A intención é desbloquear dunha vez por todas as conversacións no convenio de establecementos de hospitalización e consulta na provincia da Coruña.

CCOO avoga por “melloras nas condicións laborais”, así como un incremento nos salarios, mentres denuncia que nin UXT nin CIG presentaron propostas para o convenio, tendo en conta que a oferta da patronal é “claramente insuficiente”.

Nesta liña, o sindicato reprocha aos seus homólogos por non estar “á altura das circunstancias”, e que é a súa actitude xunto coa da representación empresarial “a que está a bloquear as negociacións”. Desta forma, insta aos outros sindicatos a realizar novas propostas para responder á “irrisoria” proposta da patronal.