Nova noiva para Maxi Gómez: súmase o Tottenham

O cadro londiniense busca un dianteiro de garantías para competir con Harry Kane.

 O Celta de Vigo, a pesar do tropezo desta fin de semana ante o Atlético de Madrid no Metropolitano, parece retomar o bo camiño, ese que lle levará a lograr a tan ansiada salvación. Con todo, este espertar dos celestes e a proximidade co final de curso teñen un lado negativo, e é que cada vez son máis os equipos que buscan en Balaidos ás fichaxes do ano que vén. E o que máis ofertas recibe segue sendo Maxi Gómez, que sairá con toda seguridade de Vigo este verán.

CANTOS DE SIRENA

Ao dianteiro de Novo Paysandú non pairan de saírlle pretendentes. A West Ham, Barcelona e varios equipos da Superliga China súmase agora o Tottenham, que vén pisando forte. Os Spurs peitean o mercado en busca dun nove que sexa capaz de competir con Harry Kane, referencia e máximo artilleiro do cadro londiniense, e parece atopar no nove celtiña ao xogador que colma as súas aspiracións. 

Os de Londres, que esta semana se xogan o pase a semis de Champions ante o City de Guardiola (na ida superaron aos de Manchester 1-0 con gol de Son), buscan a un dianteiro que poida sumar cando falte Kane ou mesmo que sexa compatible co internacional inglés. Nin Llorente, que seguramente deixe o equipo este verán, nin Janssen, sen apenas oportunidades co Tottenham, puideron manter o ritmo que marca Hurrikane. Ademais, Kane tamén pode abandonar o equipo este verán, deixando huerfano o ataque spur. 

A primeira oferta rolda os 29 millóns de euros, tentando rebaixar os 50 quilos que marca o seu clausula. Este primeiro achegamento non satisfará ao Celta, remiso a deixar saír a unha das súas estrelas e un dos valores seguros no próximo mercado de fichaxes. O seu prezo de mercado actual é de 35 millóns e Mouriño non negociará nada por baixo desa cifra. Sempre que o equipo manteña a categoría, está claro.

HORAS CONTADAS

O dianteiro está como tolo por dar un paso adiante na súa carreira e considera que a súa etapa en Vigo empeza a pecharse. A volta de Iago Aspas devolveu ao charrúa o olfacto goleador e, case tres meses despois, volveu a celebrar un gol coa casaca celeste. Foi na vitoria ante o Vilarreal, e logo repetiu a fin de semana seguinte no triunfo ante a Real Sociedade. Con once tantos, é un dos artilleiros do cadro celtiña, só superado polo dianteiro de Moña.

A pesar de todo, Maxi Gómez sempre se deixou a pel polo Celta e sabe que os seus goles son sumamente importantes neste tramo final de tempada. O primeiro agora é salvar a categoría, agora mesmo un punto por encima do descenso. Logo poderá sentar a negociar. O uruguaio ten as horas contadas, pero o reloxo corre en contra do Celta. Polo menos de momento.