A Xunta deteriora a Praia dás Catedrais para protexela

A Sociedade Galega de Historia Natural critica que a Xunta perfore as rocas para colocar carteis que advirten de desprendementos.

Boa vontade; mala execución. Así se podería resumir o intento de sinalizar as zonas de perigo por desprendementos na Praia dás Catedrais por parte da Xunta de Galicia. Para colocar os carteis de aviso, ao goberno galego non se lle ocorreu unha maneira mellor que tradear directamente sobre a roca dun Monumento Natural e Zona de Especial Conservación.

“A colocación de calquera tipo e cartel ou sinal directamente sobre o elemento que se trata de protexer constitúe en si mesmo unha degradación e atentado contra o patrimonio natural ou cultural”, denuncia a Sociedade Galega de Historia Natural nun comunicado, advertindo que se trata de “un pésimo exemplo para a cidadanía”.

Do mesmo xeito, a plataforma advirte que o mero feito de tradear as formacións rochosas “constitúe unha deterioración da formacións xeolóxicas”, e que, por tanto, é unha actividade prohibida polo Artigo 8.2 do ‘Plan de conservación do M.N. Praia dás Catedrais’.

Por iso, a Sociedade pide que se retiren inmediatamente os carteis e substitúanos por outros que respecten a normativa vixente no espazo natural.