O PACMA supera a En Marea e pisa os talóns de Vox en Galicia, segundo o CIS

|

Os galegos temos fama de indecisos. O último e polémico barómetro do CIS referéndao. Mentres en 41% dos españois díxolle aos encuestadores que non sabe a quen votará, en Galicia a porcentaxe de indecisos é maior, o 46%. Este é un dos datos relevantes dunha análise con lupa dos resultados das 1.100 enquisas realizadas en Galicia polo insitituto público.


Os que parecen ter máis dúbidas son os galegos de dereitas. Así, entre ese 46% que non sabe -ou non quere dicir- o seu voto do #28A, son maioría os que dubidan entre o PP e outra opción. A primeira é o binomio PP - Cidadáns, seguida de PP - PSOE. Curiosamente, a cifra dos que dubida entre PP e Vox é relativamente baixa:



Cis enquisa dubidas


Táboa do CIS de onte sobre as dúbidas electorais dos galegos


Aos socialistas tamén lles afectan importantes solapamentos; entre  PSOE e Podemos e PSOE e Cidadáns; o que indica que están a gañar a batalla de situarse no centro, posición ideolóxica que a miúdo trae bos réditos electorais en España. 


Por agora, a intencion de voto directa sitúaos por diante do PPdeG, algo case inaudito na historia electoral de Galicia e que permitiría aos de Pedro Sánchez sacar un deputado máis que o partido de Alberto Nuñez Feijóo:



Cis voto directo


QUEN CRE QUE VAI GAÑAR?

O avance socialista é tamén perceptible na sensación de quen vai gañar. Certo é que hai un 33% de enquisados que di non saber cal vai ser o resultado, pero son case os mesmos (32%) que os que ven a Pedro Sánchez manténdose na Moncloa. Pola contra, só o 24% ve a Pablo Casado remontando.



Cis gañador



AVANCE ANIMALISTA, TROMPAZO DE EN MAREA

Outro dato relevante é o avance de Vox e, pisándolle os talóns, do PACMA. Os de Santiago Abascal -de lonxe o líder con peor valoración entre os galegos- optan a sacar 1 escano na Coruña a pesar de ter só o 2,0 na táboa que suma o voto e a simpatía declarada; mentres que os animalistas andan polo 1,5, superando mesmo á escindida En Marea.



La duarte pacma

A galega La Duarte é a candidata do PACMA á presidencia do goberno


Os de Luís Villares ven como os seus ex-compañeiros de Unidas Podemos (Podemos Galicia, Esquerda Unida e Equo) multiplican por catro os resultados de En Marea nesta táboa:



Voto mais simpatia cis





relacionada O PP perdería o liderado en Galicia e Vox entraría pola Coruña, prevé o CIS
relacionada Sánchez podería gobernar con Podemos, segundo o CIS

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress