Imposible repoboar o rural se a Xunta desmantela as oficinas agrarias, critica un sindicato
Non se pode aspirar a manter a poboación no rural e ao mesmo tempo desmantelar as oficinas agrarias comarcais. Isto é os que a CIG Autonómica reprocha á Xunta de Galicia, alertando ademais da "privatización ou extinción das funcións" de labores destas oficinas de información.
Non se pode aspirar a manter a poboación no rural e ao mesmo tempo desmantelar as oficinas agrarias comarcais. Isto é os que a CIG Autonómica reprocha á Xunta de Galicia, alertando ademais da "privatización ou extinción das funcións" de labores destas oficinas de información.
Cartel do Concello de Ponte Caldelas na primavera de 2018 anunciando que a Oficina Agraria pecha por falta de persoal
O principal sindicato da administración galega asegura que un de cada cinco postos de traballo nestas oficinas está vacante, debido a "amortizacións ou falta de dotación orzamentaria".
Por agora, a Consellería do Medio Rural, que xestiona as Oficinas Agrarias Comarcais, non respondeu ás acusacións da central nacionalista, emitidas este domingo.
CRÉASE UN "NEGOCIO DE XESTIÓN PARALELO"
A CIG insiste en que non só desaparecen empregos públicos no rural, senón que tamén hai "retirada de funcións cara a empresas" en labores como a tramitación das subvencións da PAC europea e os cursos de formación.
"Ante esta situación estase a xerar un negocio de xestión paralelo (xestorías agrarias) que ocupa o espazo do servizo público" prestado desde hai décadas polas Oficinas. O sindicato engade que os traballadores públicos que quedan teñen unha idade avanzada, máis da metade son maiores de 51 anos.
Escribe o teu comentario