O incendio de Rianxo obriga a desaloxar o instituto da localidade

A proximidade das chamas obrigou a desaloxar aos escolares do centro.

O incendio declarado en Rianxo segue sen controlarse e a situación chegou ata o punto de que o instituto da localidade tivo que ser desaloxado pola proximidade das chamas e o risco de que estas puidesen causar danos persoais ou materiais.

Segundo apuntan veciños da localidade, o instituto foi desaloxado en cuestión de minutos e de forma segura. Os alumnos foron trasladados en autobuses ás súas respectivas casas e o centro quedou libre de escolares.

As últimas informacións describen o clima de medo que se vive na localidade costeira, onde o lume atópase cada vez máis preto das casas e co fume cubrindo toda a zona, tal e como reflicten as imaxes.