Dio a directora xeral de Familia a preguntas da deputada de En Marea Julia Torregrosa

A Xunta cre que o envellecemento de Galicia "pódese ver como un éxito" que abre "moitas vantaxes"

|

Un de cada catro galegos xa ten máis de 65 anos. Ourense é a provincia máis envellecida de España. Xa hai 519.646 persoas galegas vivindo no estranxeiro. A pesar da evidencia da crise demográfica, o Goberno argumenta no Parlamento que "iso é positivo porque pode traer moitas máis vantaxes".


A directora xeral de Familia, Amparo González, sinalou que o feito de que Galicia rexistre o maior envellecemento da poboación "tamén se pode ver como un éxito", xa que "supón que aumentou a esperanza de vida".


O envellecemento de Galicia é

"Iso é un éxito porque se está traballando a todos os niveis para que teñamos maior calidade de vida", valorou a responsable de Familia de la Xunta a preguntas da deputada de En Marea Julia Torregrosa na comisión de economía.

DEBATE SOBRE A CRISE DEMOGRÁFICA
Torregrosa interrogáballe sobre os resultados das políticas públicas orientadas a fomentar a natalidade e a cambiar a pirámide demográfica en Galicia.

González, consciente de que "é certo" que un de cada catro habitantes galegos ten máis de 65 anos, insistiu na réplica en que "iso é algo positivo" e avogou por "ser capaces de xestionar ese envellecemento". "Iso é positivo porque pode traer moitas máis vantaxes", aseverou.

ARGUMENTOS DA MANDATARIA PÚBLICA

Na súa intervención, a responsable de Familia cualificou de "prioridade" o reto demográfico para o Goberno galego, para o que, segundo lembrou, preparou unha lei de impulso que "verá a luz" nas "próximas semanas" e converterá á comunidade en "primeira" en contar cunha norma neste ámbito.

Deste xeito, apelou a que son máis comunidades as que comparten o obxectivo de mellorar a súa situación demográfica e argumentou que as medidas neste campo teñen efecto sobre todo a medio e longo prazo.

En calquera caso, reivindicou estar "a incorporar a perspectiva demográfica en todos os ámbitos" e ser a "quinta comunidade que máis nacementos ten en España".

Outro dato "obxectivo e positivo" que sinalou é o da cifra de "galegos nados en Galicia que saíron do país", que "decreceu en 2.549 persoas desde o ano pasado". Delas, indicou que 2.440 estaban en idade laboral. Tamén, entre outras, chamou a atención sobre as casas niño, con 61 "funcionando".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress