Obras públicas impiden a muller en cadeira de rodas saír da súa casa

Pilar Fernández López necesita de un cadeira de rodas para moverse. Debido a unhas obras nunha estrada municipal, quedou sen poder entrar ou saír da súa casa sen a axuda doutra persoa, segundo denuncian varios colectivos. 

Pili Fernández tentando entrar na súa casa | SLG

En concreto, o Sindicato Labrego Galego levará esta "vulneración de dereitos" ante o Consello Galego de Benestar. Ademais, a Asemblea de Galegas 8M na Terra Chá tamén lle deu o seu apoio. 

Unha reclamación  denunciando a "violencia institucional"suma case 2.500 apoios en Change.org. A veciña alega que o concello asfaltou en numerosas ocasións a pista diante da súa vivenda, aumentado a súa altura ata crear un chanzo e así reducindo a súa autonomía.

O Concello defendeuse alegando que a solución técnica proposta pola veciña para acabar o problema non é tecnicamente viable. O alcalde, en declaracións a El Progreso, negou ter nada persoal contra Fernández, dixo que non era cuestión de diñeiro e mostrouse aberto a solucionar a cuestión.

O certo é que a afectada, cunha discapacidade recoñecida do 84%, di presentar escritos desde 2013 sen lograr liquidar o chanzo.  O SLG afirma que o concello pon "atrancos" co fin de "desentenderse do tema" Ante esta situación, recorrerá a o Consello Galego de Benestar (CGB).