(VÍDEO) Jesé e Tello anulan a Fran Escribá

|

O Celta cae pola mínima en Balaidos nun partido que dominou amplamente o Real Betis.




Non se cumpriu o devandito de ‘Adestrador novo, vitoria segura’ en Balaidos. Quizá porque, á terceira vez que se di na tempada, pérdese todo o efecto e o sentido da frase. Os de Fran Escribá caeron ante o Real Betis por 0-1 nun partido no que o cadro andaluz superou amplamente aos locais, que sucumbiron a dez minutos de final cun gol de Jesé.


Na primeira parte o partido estivo máis ou menos parello. Os dous equipos dispuxeron de ocasións para adiantarse, especialmente botando man de disparos afastados que obrigaron a Pau e Rubén a estirarse. Primeiro avisou Jesé, que se topou cunha soberbia resposta do gardameta celtiña; logo Maxi Gómez disparou cruzado pero desviado, evidenciando que tanto o charrúa como o Celta (tres partidos seguidos sen ver porta) seguen coa pólvora mollada.


A entrada de Tello tras o descanso revolucionou definitivamente o encontro. Os movementos do bético convertéronse no quebradizo de cabeza de Hugo Mallo, sempre superado polo de Sabadell. Pegado á banda, Tello entrou como un coitelo pola sinistra, chegando sempre ata liña de fondo e filtrando pases que se pasearon sempre pola área de Rubén.


O Celta defendeuse como gato bandullo arriba das arremetidas verdibrancas, que fixo méritos para adiantarse no marcador. A balanza terminou por desequilibrarse no minuto 80, cun pase en profundidade que cazou Tello. O carrilero conectou un disparo potente que repeleu Rubén, pero o rexeite caeu nas botas de Jesé, que a empuxou ao fondo da rede. O VAR puxo suspense ao revisar a xogada, pero en todo caso, o gol do dianteiro do Betis subiu ao electrónico.


Os andaluces seguiron controlando o encontro sen que o Celta tivese unha soa alternativa para tentar igualar, tónica xeral dun segundo tempo no que os celestes non inquietaron a meta de Pau. As cámaras entón comezaron a enfocar a Iago Aspas, o único as na manga que queda a este novo Celta de Fran Escribá, que se foi de baleirou na súa primeira faena na area de Balaidos. Ao final, o conto de toda a tempada: cambialo todo para non cambiar nada. Espera o Bernabéu. Veremos quen anda peor. 


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress