A dirección de Anova di que o achegamento ourensán a En Marea “carece de lexitimidade”

A cúpula de Anova afirma que o movemento da organización nacionalista en Ourense “fíxose á marxe das normas da organización”.

A dirección xeral de Anova emitiu un comunicado no que informa que o achegamento dos membros da organización nacionalista en Ourense “carece de lexitimidade”. “Fíxose á marxe das normas da organización e marxinando a militantes que non foron convocados na localidade”.

Desde Anova advirten que un grupo de militantes de Ourense informou de que “non todas as persoas afiliadas son convocadas ás reunións”, o que motiva que “dificilmente podemos aceptar que a opinión trasladada aos medios é a do conxunto maioritario da nosa militancia nesa localidade”.

A organización apóiase nos seus estatutos e que as decisións dese caldo tómanse de forma democrática. “Este non é o caso da autodenominada Anova-Ourense”, sinala a nota.

“Decisións como as de romper Ourense en Común pactando con outros sectores unha nova plataforma electoral ou as de presentarse nas primarias de En Marea son contrarias ás decisións estratéxicas de Anova e tampouco tiveron o aval da Asemblea local de Ourense”, sentencia o dirección, acusando á división ourensá de tentar romper o proxecto.