Un tren arroia a unha persoa causándolle a morte

Un home faleceu na madrugada deste martes tras ser arroiado por un tren á altura da Avenida Infanta Elena Duquesa, da cidade de Lugo.

A vía do tren desde a Avenida Infanta Elena de Lugo

O Centro Integrado de Atención ás Emerxencias (CIAE) 112 Galicia tivo constancia do suceso ao redor da medianoite deste martes a través do servizo de seguridade do Administrador de Infraestruturas Ferroviarias (ADIF), que informou de que unha persoa fora alcanzada por un convoi na entrada de Lugo.

O CONVOI RETOMA O SERVIZO

O tren, que facía a ruta entre A Coruña e Madrid, levaba tres persoas, que puideron continuar o camiño cara aos seus destinos tras restablecerse a circulación férrea ao redor das 1,00 horas da madrugada.

Desde o 112 Galicia solicitouse a intervención dos profesionais sanitarios, Policía Nacional e Policía Local. Ademais, foron informador tamén os Bombeiros de Lugo e voluntarios de Protección Civil da localidade por se fose necesaria a súa colaboración.