Os traballadores sociais tamén critican a reforma de Atención Primaria proposta polo SERGAS

Un plan "superficial", sen medidas concretas e que unicamente busca acabar coa onda de protestas que vive o SERGAS. Así valora o Colexio Oficial de Traballo Social o borrador do novo modelo de Atención Primaria .


|

Do mesmo xeito que todos os colexios de médicos de Galicia, o colexio dos traballadores sociais alertan que o plan de la Xuntasó busca acabar coas protestas 


Un plan "superficial", sen medidas concretas e que unicamente busca acabar coa onda de protestas que vive o SERGAS. Así valora o Colexio Oficial de Traballo Social o borrador do novo modelo de Atención Primaria .


O conselleiro de Sanidade, Jesús Vázquez Almuiña, na presentación do Plan d
Presentación do Plan de Atención Primaria na Xunta


PRÉSA DO GOBERNO


Desde esta institución, admítese que houbo diálogo iniciamente pero que despois a Consellería de Sanidade pechou as negociacións a fume de carozo "sen tempo suficiente para desenvolver unha redacción proveitosa e profesional". Ademais, cren que "non afonda nun reforzo real da Atención Primaria, se non que é máis ben unha cuestión de maquillaxe".


Sobre o labor dos traballadores sociais, afirman que "vai en prexuízo, de novo, da cidadanía usuaria do servizo". "O modelo nos invisibiliza como profesionais", denuncian.

PRAZAS PARA ESTE COLECTIVO
Desde o Colexio de Traballo Social, que reivindican "a importancia do traballo en equipos multidisciplinares para dar resposta á complexidade sanitaria actual", afirman que o modelo recolle "a creación de diversas prazas, pero non de traballo social".

Isto, segundo engaden, afecta non só aos profesionais e pacientes, senón tamén ás familias "porque a función do traballador social sanitario tamén é apoialos e orientalos".

Por outra banda, reclaman "a creación de estruturas adecuadas para que o traballo social estea a representar na estrutura da Consellería, cunhas xefaturas de servizo que lle dean forma á axenda do traballo social sanitario". "E para iso teñen que estar situadas nunha área asistencial, traballando coas direccións médicas e de enfermería, ao mesmo nivel".

Na mesma liña, sosteñen que a figura do traballador social na Atención Primaria é "tan imprescindible para a comunidade que as cuestións ao redor do seu papel e as súas áreas de competencia deben quedar totalmente claras", indican. Por iso, anuncian a presentación dunha batería de emendas ao texto.

Noutra orde de cousas, o Colexio, piden ao Ministerio de Sanidade a "aprobación" dunha carteira de servizos do traballador social sanitario, que o colectivo ten xa "elaborada", lembran.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE