Zara envolta en polémica en China por usar unha modelo con pencas
O grupo galego Inditex está envolvido nunha polémica nun dos maiores mercados do mundo, China. Todo por utilizar a unha modelo de trazos asiáticos, pero con pencas, o que non cadra cos estándares de beleza dese país.
O grupo galego Inditex está envolvido nunha polémica nun dos maiores mercados do mundo, China. Todo por utilizar a unha modelo de trazos asiáticos, pero con pencas, o que non cadra cos estándares de beleza dese país.
Imaxe promocional da modelo usada por Zara en China para publicitar pintalabios
Ao publicar fotos da famosa Li Jingwen para promocionar as súas pintalabios de Zara na rede Weibo, moitos internatuas criticaron o que ven como unha desconsideración á súa cultura. De feito, o hastag "un insulto para China" chegou a ser un dos máis utilizados nas redes sociais naquel Estado.
“Síntoo, pero as mulleres de Asia non temos pencas, e se é así, é unha porcentaxe moi pequena… Tédesvos que esforzar moito para atopar unha modelo que as teña” , é unha das críticas que recibiu a marca de Amancio Ortega nas redes.
ARTEIXO REACCIONA
Consciente da importancia da súa imaxe no xigante asiático, Inditex respondeu uns días máis tarde alegando que foron as oficinas centrais en Arteixo as que elixiron a imaxe, destinada para todo o globo e non só para China. Ademais, engadiron, que non pretendían molestar a ninguén.
A polémica chegou á prensa de todo o mundo, ocupando espazo en medios como The New York Times. A prensa local, incluído o xornal do Partido Comunista, China Daily tamén se fixeron eco da controversia.
Escribe o teu comentario