Os PACs galegos: “Non pedimos melloras, senón o cumprimento da lei”

Os traballadores dos Puntos de Atención Continuada proseguen coa folga despois de rexeitar un novo borrador presentado polo SERGAS que segue sen cumprir “os pactos”.

O pasado luns os traballadores dos PACs de Galicia decidiron dar continuidade á folga que veñen celebrando desde hai semanas e que ten en xaque ao SERGAS, que ve como os borradores que presentan acaban tombados por non satisfacer as demandas dos Puntos de Atención Continuada. Pero estas demandas, como insiste a plataforma ‘PACs en pé de Guerra’ non responden a caprichos do colectivo, senón que busca unicamente “o cumprimento dos pactos”.

“Non pedimos melloras, senón o cumprimento da lei vixente”, anuncian desde a plataforma. “O Estatuto Marco dos traballadores e as actuais leis de protección de regas laborais obrigan ás empresas para velar pola seguridade dos seus traballadores, polo que independentemente de que os traballadores acepten ou non este borrador, o SERGAS debería de estar a nos facilitar desde xa os EPIS adecuados ao noso traballo, que, por se o descoñece, abarca moito máis que o 061, pois traballamos dentro e fóra dos centros, medicalizamos diversos tipos de vehículos…”, esixen desde a plataforma en relación ao equipamento, sentenciando que a seguridade é un tema “que non se negocia”.

As necesidades que os PACs demandan ao goberno de Galicia están recollidas noutros tres puntos, pedindo en primeiro lugar “o abono de dúas dietas en gardas de 24 horas, xa que cremos que é lóxico dar para comer e cear cando se traballan 24 horas”, aínda que “na súa falta” admiten a posibilidade de aceptar o pago de dúas dietas “para que poidan facelo”.

Doutra banda, a plataforma sinala que unha das súas demandas non se trata dun incremento salarial, como defende o SERGAS “faltando unha vez máis á verdade”, senón que se trata do “abono do 20% que nos falta para chegar cobrar o 100% dos mesmos segundo o pactado no 2008 onde se establecía que no 2010 cobrariamos o 100% dos mesmos, cousa que a día de hoxe, despois de case 9 anos, aínda non sucedeu”.

“Tampouco entendemos como mellora que se nos ofreza ese 20% de novo prorrateado en 2 anos de novo condicionado á ‘dispoñibilidade orzamentaria’, cando consideramos que na actualidade xa se dan esas condicións”, sinalan, ejemplificándolo con “o incremento do 7.5 do soldo do presidente e dos seus conselleiros nos orzamentos do 2017 e sen prorrateos”.

“Lembrámoslle que estes complementos son unha compensación pola penosidad do noso traballo que se desenvolve no seu maior parteen xornada nocturna e festivos, e que supón algo máis de 1/3 do noso soldo que o deixamos de cobrar en casos de permisos e IT”, lamenta a plataforma, que tamén demanda en último lugar “que o SERGAS deixe claro nos nosos calendarios cal é a nosa xornada ordinaria sobre a cal ten que ser neutra , como sucede co resto de compañeiros da Atención primaria, á cal pertence”. Neste punto, segundo a plataforma, a sanidade galega ha recoñece que o pacto alcanzado en 2008 respecto diso “non se cumpría”, aínda que “seguen co mesmo método de liquidación”.