(VÍDEO) Protestas e pintadas en Balaidos contra Mouriño e o PP

|

O Estadio Municipal de Balaidos, onde actúa como local o Celta de Vigo, amenceu con pintadas nun escaparate que rezaban “Mouriño fora” e centenares de afeccionados celestes concentráronse esta tarde como protesta pola “politización do club”.


Mouriu00f1ou fora

Pintadas contra o presidente Mouriño / Foto: @Martin__Camano


Malos momentos no celtismo. A inestabilidade deportiva trae consigo unha inestabilidade institucional por derívaa que tomou o equipo e que puxo en dúbida o proxecto de Mouriño e Miñambres e unha inestabilidade emocional na bancada, que desembocou nunhas pintadas de protesta contra a dirección do club.


Unha das cristaleiras de Balaidos amenceu cunha pintada na que se podía ler “Mouriño fora”. As pintadas xa foron eliminadas por operarios do club ao longo do día de hoxe. 



Este novo episodio non fai máis que agravar o distanciamento entre o presidente e un sector da bancada, cada día máis preocupado coas loitas persoais que mantén o máximo accionista celeste con Abel Caballero, entre outros, e que está a ter a súa repercusión no plano deportivo.


Por iso, a pena “Celtarras” decidiu convocar unha manifestación diante da sede do club como protesta polo que consideran unha politización do club, a raíz do acto que levou a cabo o PP, con Alberto Núñez Feijóo e Pablo Casado presentes, na sede do club.



“O escudo non se mancha, fóra da nosa sede” foi o lema emitido no comunicado da pena, que logrou reunir a centenares de incondicionais protestando á chegada dos políticos á sede celtiña, que gritaron consignas como “puta España, puta Madrid” á chegada dos políticos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress