Buscan novos casos de sarna en Povisa tras confirmarse un brote

Ata once traballadores do Hospital Povisa de Vigo atópanse de baixa por contraer a sarna

A Consellería de Sanidade aplicou as medidas recollidas no seu protocolo de actuación en institucións con coidadores tras a aparición dun brote de sarna que tivo lugar no hospital vigués de Povisa a semana pasada.

Povisa

Segundo precisou a Consellería nun comunicado, as medidas adoptadas incluyen a detección de posibles novos casos no centro, así como o seu tratamento mediante a aplicación dunha crema en, polo menos, dous ciclos separados por unha semana.

Así mesmo, o protocolo inclúe un tratamento preventivo dos usuarios e traballadores do centro que debe realizarse o mesmo día. Ademais, o coidado debe efectuarse no momento do segundo ciclo do tratamento para facilitar o control da enfermidade.

A sarna ou escabiosis é unha enfermidade cutánea producida polo ácaro Sarcoptes scabiei. En concreto, transmítese a través dun contacto prolongado e sostido de pel con pel, aínda que tamén pode contaxiarse mediante a roupa de vestir, a roupa de cama e as toallas, entre outros.