Detido o ancián "raiacoches", acusado de danar centos de vehículos

A Policía Local de Vigo detivo este xoves ao veciño octoxenario que foi denunciado en reiteradas ocasións por raiar automóbiles e danar as fechaduras de vehículos e portais nesta cidade mediante a introdución de escarvadentes de madeira.

O cansanzo dos seus veciños é de tal calibre que chegaron a colocar carteis na rúa co seu retrato, animando a estar vixiantes e chamar á Policía. Algúns cidadáns aseguraron que ten amedrentado ao seu barrio.

Rúa Canario | Google

Segundo precisou a Policía Local en declaracións a Europa Press, os feitos tiveron lugar ao redor das 15,40 horas na rúa Canario tras unha orde ditada polo Xulgado do Penal número 1 de Vigo.

Posteriormente, o home foi trasladado ás dependencias da Policía Nacional da cidade olívica para ser posto a disposición xudicial.

A semana pasada, os axentes identificaron a este ancián e realizaron a correspondente tramitación de denuncia tras desprazarse á rúa Reiseñor e comprobar que raiara dous vehículos.

Este home conta con máis dunha ducia de antecedentes policiais por feitos como estes e consta como autor de desfeitas en centenares de coches.