Gol co selo ‘Galicia calidade’

|

Os dous máximos artilleiros nacionais son galegos, pero a comunidade ten máis gol máis aló dos que firmán Iago Aspas e Borja Igrexas.


Santi mina

Santi Mina suma xa 8 goles co Valencia este curso


O gol cotízase á alza. Este xaneiro a maioría de equipos apostaron por reforzar a súa liña ofensiva en busca dos tantos que os leven a alzar o título de liga, a pelexar por Europa ou a seguir o ano que vén baixo o sol da Primeira División. Así, os Morata, Boateng, Munir, Sobrino ou Lainez teñen o reto de demostrar que son merecedores da confianza depositada en eles.


Pero nesta Liga, onde as bandeiras de Arxentina, Uruguai e Francia ondean nos 5 primeiros postos da táboa de goleadores, o gol nacional leva o selo de ‘Galicia Calidade’, con Iago Aspas e Borja Igrexas como máximos expoñentes. Entre os dous suman 19 goles: 10 o de Moaña para o Celta de Vigo; 9 o santiagués para o Espanyol.


Borja Igrexas, que a punto estivo de levar ao seu equipo ás semifinais da Copa do Rey con tres goles ante Real Betis e Vilarreal, leva sen ver porta en liga desde o partido ante o Leganés, o 4 de xaneiro, no último triunfo dos pericos. Pola súa banda, Aspas, que apura a súa recuperación para reaparecer esta fin de semana, non viu porta no últimos tres partidos de liga que xogou. Con todo, os seus goles teñen unha importancia capital neste Celta, que agora mesmo coquetea perigosamente cos postos de descenso. O ‘Príncipe das bateas’ tamén suma un gol en copa e ten todas as papeletas para alzarse outro ano máis co Trofeo Zarra.


Con todo, Aspas non é o único galego que asina os goles do Celta. Brais Méndez, unha das revelacións da tempada, xa leva catro dianas este curso, algo que lle valeu para debutar, e con gol, coa selección española, no amigable ante Bosnia-Herzegovina. Como Brais, Hugo Mallo tamén estreou a súa marcadora goleadora, no partido ante o Real Madrid, onde tanto o capitán celtiña como o mediapunta foron os autores dos goles do seu equipo na derrota por 2-4 ante os de Solari.


O gol cotízase á alza. Se non, que llo pregunten ao Everton, que no pasado mercado de inverno puxo sobre as mesa os 28 millóns de euros que aparecen na cláusula de rescisión do ariete compostelán, sabedores de que o Espanyol non negociará perder á súa estrela de ningunha das maneiras. Con todo, o nove periquito rexeitou recalar na Premier League, polo menos este xaneiro, e asegurou que terminaría a tempada vestindo a elástica branquiazul a pesar das ofertas.


Curiosamente, mentres os afeccionados de Cornellà-O Prat e Balaidos celebran os goles a ritmo de muiñeira, Diego López, Sergio Álvarez e Rubén Branco levan o camiño contrario: o seu obxectivo é evitar todos os goles que lles sexan posibles. Encerrados nos seus cárceres de cal, os porteiros batallan para salvagardar os intereses de Espanyol e Celta. O cérbero periquito e os dous gardametas celestes son a outra cara da moeda mentres Borja Igrexas e Iago Aspas festexan na banda e levan os aplausos da bancada.


VIDA MÁIS ALÓ DE ESPANYOL E CELTA

Fóra de Espanyol e Celta outros equipos tamén celebran os goles con denominación de orixe galega. O Huesca, último claificado, tivo que esperar ata a Xornada 18 para celebrar un triunfo na súa casa. Grazas a un gol de David Ferreiro, unido xa para sempre á historia oscense, O Alcoraz puido celebrar a súa primeira vitoria en Primeira División. Pola súa banda, no Levante, un dos equipos máis goleadores da liga, agárranse tamén ás dianas que poidan achegar os galegos Jason e Rober Pier, que cun gol cada un achegan o seu granito de area na pelexa pola salvación.


Coas zamarras de Real Madrid e Valencia celebran os goles Lucas Vázquez e Santi Mina. Aos dous galegos lastroulles gran parte da tempada a mala dinámica dos seus equipos, pero iso non lles impediu celebrar un golito en liga o de Curtis (ademais de dous en Copa do Rey e un tanto en Champions League) e dous o vigués (que suma catro acertos en Copa do Rey e dous en Europa).


Santi Comesaña, do Raio Vallecano, estreouse en Liga en Anoeta, mentres outros como Barragán e Denis Suárez celebraron gol esta tempada pero en Copa, ante Racing de Santander e Cultural Leonesa respectivamente, aínda que o azulgrana marchouse cedido ao Arsenal este xaneiro e agora busca ver porta na Premier League. Raúl García, recentemente fichado polo Xirona tras rescindir co Leganés, Pablo Insua do Huesca, Borja do Real Valladolid e Kevin e Costas do Celta son os galegos que esperan impacientes a súa oportunidade para ver porta. Hai tempo para moitas sorpresas e moitos goles nas 16 xornadas que quedan.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress