Banco de España frustrou a expansión de ABANCA ante a inestabilidade en Venezuela, segundo fontes de Deutsche Bank

O regulador bancario español, o Banco de España, impediu a operación pola que Abanca ía comprar a filial española do Deutsche Bank. O motivo último sería a inestibilidad para o sistema financeiro español que podería supoñer a expansión dun grupo bancario, Banesco, cuxa matriz en Venezuela segue intervida.

Así o afirma unha información de OK Diario, que cita fontes de Deustche Bank España. Hai que lembrar que Venezuela interveu Banesco o maio pasado e xa prorrogou dúas veces a intervencion, que durará ao menos ata primavera. A segunda vez polo dobre de tempo, o que apunta que o conflito non se resolverá a curto prazo. E menos coa situación de enorme inestabilidade que vive o país caribeño, ao bordo da guerra civil ou dunha intervención estranxeira.

O grupo suramericano sempre tentou marcar distancias entre a crise na súa casa e o seu investimento en España. Banesco asegura que Venezuela supón menos do 1% do seu volume global de negocio. Ademais, a estrutura societaria está compartimentalizada de tal modo que non se produciría ningún contaxio.

Aínda que o certo é que Escotet dimitiu como presidente de Abanca en canto sóubose que o chavismo interviña Banesco Venezuela e retornou ao seu país. E alí está a miúdo, con frecuentes desprazamentos para atender os seus negocios en Europa.

Entre eses últimos negocios figuran a compra da rede de Caixa Geral en España en novembro e a rede de Deustche Bank na primavera. Houbo negociacións para comprar tamén a rede da marca alemá en España e de feito, segundo a citada información, Deustche Bank España chegou a dala por feita e comunicala aos seus directivos. Con todo, algo se torceu ao final. 

FOI PORTUGAL QUEN DIXO OK Á COMPRA DE CAIXA GERAL

O motivo esgrimido en público para abortar a operación foi que a oferta de 350 millóns distaba moito dos 800 que pedían os alemáns. Pola rede de Caixa Geral en España,  Banesco pagou 364 millóns. pero a quen lle correspondía dar luz verde era o Goberno de Portugal e non o Banco de España. 

Banco de España que, por certo, acaba de impoñer a ABANCA unha falta moi grave por enganar coa información das súas hipotecas. Banco de España que no seu día tamén puxo na súa mira a Abanca por operacións de branqueo. Branqueo que tamén é o motivo polo cal fue investigado en Estados Unidos, sancionado en Panamá e intervido polo chavismo, a pesar de que Escotet fraguou a súa fortuna -precisamente- á calor dos primeiros anos de Chaves.