Conducindo un camión e positivo en cocaína, anfetaminas, metaanfetaminas e cannabis

A Policía Local de Vigo denunciou administrativamente cunha sanción de mil euros e a retirada de seis puntos do carné ao condutor dun camión que deu positivo en catro clases de substancias estupefacientes tras unha infracción.

Cruzamento das rúas Sanjurjo Badía con Doutor Corbal | Google Street View

Os feitos producíronse pasadas as 7,00 horas do pasado xoves, cando unha patrulla deulle o alto ao condutor dun camión na confluencia das rúas Sanjurjo Badía con Doutor Corbal, por non respectar o sinal de límite de tonelaxe en sentido centro cidade.

Os policías sospeitaron que o condutor circulaba con presenza de drogas no organismo, polo que foi sometido ao test indiciario salival, que deu un resultado positivo en cocaína, anfeteminas, metaanfetaminas e THC (tamén coñecido como tetrahidrocannabinol).

Por este motivo, o condutor terminou cunha sanción de mil euros por conducir baixo os efectos das drogas, considerado un delito contra a seguridade viaria, e a retirada de seis puntos do permiso de circulación.