Xa se poden descargar probas diagnósticas desde a web do SERGAS

O Servizo Galego de Saúde (Sergas) permite que os pacientes poidan acceder e descargar probas diagnósticas de imaxe como TACs, resonancias ou radiografías a través de Internet desde este luns.

Esta prestación, que acaba de poñer en marcha a Consellería de Sanidade, "era unha das máis demandadas polos pacientes e as súas asociacións", segundo destaca nun comunicado.

Para o desenvolvemento deste servizo foi necesaria a implantación en todos os centros do Sergas de sistemas informáticos que posibiliten xerar ficheiros en formatos estándar. Ademais, tamén se levou a cabo o "correspondente período de probas de seguridade".

Poderán acceder e descargar as probas diagnósticas todos aqueles usuarios do Sergas que conten con tarxeta sanitaria e unha conta creada na plataforma É-Saúde. Poderán entrar como titulares ou cunha autorización de acceso delegado.

A identificación conta cun "nivel alto de seguridade", que poderá realizarse co DNI ou o certificado dixital FNMT, ou o sistema de identificación e firma de cidadáns de la Xunta de Galicia (CHAVE 365).

A Consellería resaltou "a complexidade tecnolóxica do proceso", polo que cada paso explícase no apartado de preguntas frecuentes de É-Saúde. 

Insistiu en que só poderá ser visualizado desde os computadores e recomendouse a descarga desde os mesmos, xa que consome moitos datos.