Pistoletazo de saída para 'ABRIL', o dúo que promete revolucionar a escena galega na primavera

Claudia Abril e Mariña Carpente apuran as horas antes de dar a coñecer ao mundo aquilo no que levan traballando tanto tempo e que promete ser un auténtico bombazo na escena galega. Xuntas compoñen 'ABRIL', o proxecto co que, xa sexa cunha pandereita, unha pandeiro ou un violín, buscan elevar a música folk a un novo nivel, vangardista e contemporáneo sen que iso signifique dar as costas á música de raíz e a unha comunidade que non deixa de crecer e experimentar. 

GRAN ESTREA

'Nas horas avelaíñas' será o primeiro adianto do dúo e o primeiro sinxelo dun álbum debut que moi pronto verá a luz do día. Haberá que esperar até primavera para coñecer o disco completo, pero non tanto para poder gozar desta peza que publicarán mañá, venres 20 de febreiro, en todas as plataformas. 

Farao videoclip mediante -baixo a dirección, montaxe, cor e fotografía a cargo de Miguel Méndez, mentres que a dirección de arte corresponde a Marta Ferrer e a propia Mariña Carpente-, nunha clara declaración de intencións de Claudia e Mariña,  que buscan establecer un diálogo co presente e o pasado a través da súa música, reinterpretando melodías cun estilo folk que, definen, como "memoria, identidade e comunidade". 

De feito, 'Nas horas avelaíñas' non é unha novidade ao uso. Parte dunha melodía recollida por Elena Alonso Pino, talvez mellor coñecida como 'Elena de Toutón', e apresa como 'Canto de Toutón' no álbum 'As cantigas de Elena'. ABRIL propón un xiro da raia que serve de pasarela ao cosmos que foron compondo neste tempo e que garda o disco que moi pronto estará a soar en todas partes despois de que temas como 'Arredor dá mesa' servisen para descubrir ao gran público do que son capaces.