Balaidos despide o ano cun empate

O equipo de Cardoso foi amplamente superior ao conxunto pepinero, pero a falta de acerto ante o arco deixou só un punto en Balaidos.


|

O equipo de Cardoso foi amplamente superior ao conxunto pepinero, pero a falta de acerto ante o arco deixou só un punto en Balaidos.


Sofiane boufal celta leganes futbol laliga balaidos 2018

Boufal cae ante Cuellar / Foto:RC Celta


Faltou puntería; sobraron ganas. Punto que sabe a moi pouco en Vigo na despedida do fútbol, xa que non volverá á cidade ata o Día de Reyes ante o Athletic. O Celta de Vigo non pasou do 0-0 ante o Leganés, que encadea xa seis xornadas sen bicar a lona. Os celestes dominaron o xogo e mereceron máis sorte no tenteador, pero a orde táctica dos de Pellegrino e a falta de acerto entre os tres paus custaron caro aos locais. A pesar da igualada, o cadro dirixido por Cardoso segue deixando mostras de ser un equipo en crecemento.


O plan non lle puido saír mellor a Pellegrino: con cinco homes na zaga, o sistema táctico que dispuxo o técnico arxentino deixou aos madrileños a mercé do Celta, que con todo sufriu para crear ocasións claras ante un equipo encerrado no seu campo. Así, a primeira parte transcorreu sen oportunidades manifestas para gol. Okay, que está nun excelente estado de forma, foi o diapasón do cadro celtiña, mentres Brais e Boufal tentaban dar imaxinación ao xogo de ataque. Con todo, foi o Leiga o que puido romper o empate, cunha xogada a balón parado que a punto estivo de custarlle un desgusto a Rubén Branco.


O cérbero do Celta volveu ser o protagonista nada máis arrincar o segundo asalto, cunha xogada rocambolesca que deixou a En-Nesyri totalmente só ante o gardameta. Con todo, o dianteiro marroquí, sen querer desmerecer a intervención do porteiro, definiu ao boneco, deixando pasar a mellor ocasión do partido. Os locais reaccionaron e buscaron a meta de Cuellar. Maxi Gómez estrelou o balón no traveseiro cun impoñente cabezazo no minuto 72, evidenciando que o partido estaba evocado ao empate.


Cuellar salvou ao seu equipo nun par de ocasións máis, mantendo a súa portería a cero e evitando así a terceira vitoria seguida do Celta. Os afeccionados de Balaidos, que aguantaron estoicamente o temporal que azouta Galicia, recoñeceron con aplausos o esforzo dos seus, que sinxelamente non gozaron da sorte do gol. Con todo, a senda que indica Cardoso pode ser o camiño para seguir, e máis agora que só pódense agarrar á liga. O ano que vén máis. Esperemos que mellor.


FICHA TÉCNICA

RC Celta: Rubén Branco, Hugo Mallo, David Costas, Araujo, Juncà, Jozabed (Beltrán min.61), Okay, Brais Méndez, Boufal (Sisto min.70), Iago Aspas e Maxi Gómez.


CD Leganés: Cuellar; Juanfran, Bustinza, Siovas, Omeruo, J. Silva; Vesga, Gumbau; Óscar (Ojeda min.86), En Nesyri (Sabin min.90) e Carrillo (Eraso min.79).


Árbitro: Munuera Montero, do comité andaluz. Amoestou a Juncà e Maxi Gómez (RC Celta) e En Nesyri, Vesga e Cuellar (Leganés).


Campo: ABANCA Balaídos: 15.134 espectadores.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE