O SERGAS nega que unha paciente estivese a esperar por unha operación tres anos
A Xerencia do Sergas en Santiago responde á acusación lanzada pola Asociación de Pacientes do CHUS. Nela, unha paciente acusaba á sanidade pública de facerlle esperar "máis de tres anos" por unha operación de redución de estómago; entre o tempo que tardou en ser remitida ao especialista -dous anos- e os máis de doce meses que leva nunha lista de espera para cirurxía.
A Xerencia do Sergas en Santiago responde a a acusación lanzada pola Asociación de Pacientes do CHUS. Nela, unha paciente acusaba á sanidade pública de facerlle esperar "máis de tres anos" por unha operación de redución de estómago; entre o tempo que tardou en ser remitida ao especialista -dous anos- e os máis de doce meses que leva nunha lista de espera para cirurxía.
Fontes oficiais do SERGAS indican a Galiciapress que non hai ningunha paciente en lista de espera cos datos facilitados na denuncia da Asociación. Ademais, engaden que "la espera para unha intervención de cirurxía bariatrica no hospital Clinico é inferior aos 6 meses, despois de a indicación específica do especialista e realización de numerosas probas e de tratamentos previos".
Hospital do SERGAS en Santiago
Ademais, engaden que o tratamento de obesidade mórbida é moi complexo. A persoa que protesta asegura que foi diagnosticada obesidade supermórbida e que tanto tempo esperando agravou os seus problemas ata non poder andar nin conducir.
PROCEDEMENTO NESTES CASOS
Desde o SERGAS explícase que o tratamentos destes casos é multidisciplinar porque "interveñen especialistas en Endocrinoloxía, cirurxiáns, nutricionistas, psicólogos e psiquiatras, entre outros".
Un dos tratamentos que o CHUS sinala séguense para estes casos é a dieta, que é precisamente o primeiro que lle recomendou o médico de familia a esta paciente, quen di seguiu as indicacións do seu galeno, sen lograr reducir peso.
Por último, o SERGAS explica que a cirurgía bariatrica "non esta indicada para todos os enfermos" e soamente pode ser abordada por indicación clínica dun facultativo.
Escribe o teu comentario