O mercado de inverno ameaza a Celta e Depor

|

Varios xogadores dos dous conxuntos galegos están no punto de mira dalgúns dos clubs máis poderosos de Europa.


Maxi gomez celebracion

O dianteiro do Celta de Vigo Maxi Gómez / Foto: RC Celta


Coa chegada de xaneiro ábrese o mercado de fichaxes e a roda do fútbol que se práctica nos despachos comeza a virar. Os clubs máis modestos temen que algún coloso poida levantarlle aos seus mellores xogadores a metade de tempada, mentres miran de esguello á xanela de transferencias por se xorde algunha oportunidade de mercado. Nesta situación atópanse Celta de VigoDeportivo da Coruña.


Os vigueses, despois da chegada de Miguel Cardoso ao banco de Balaidos, valoran a posibilidade de reforzar o persoal neste mercado de fichaxes, pero o principal temor da entidade olívica é perder a algún dos seus alicerces. Maxi Gómez, artilleiro celeste e un nome propio en todo o que concierne a as apostas de fútbol, está na órbita do Atletico de Madrid para ser o recambio de Diego Costa, xa que o nove hispanobrasileiro non deu o nivel esperado este curso e unha lesión deixarao no dique seco ata o próximo mes de marzo.


Situación parecida a de Lobotka, que a pesar de non estar a render ao seu máximo potencial segue sendo un dos nomes marcados en vermello na axenda de varios clubs. Napoles e PSG xa preguntaron polo esloveno no pasado, e a escuadra napolitana segue pensando no talentoso centrocampista celtiña para dar un salto de calidade que lle permita pelexar polo scudetto.


Doutra banda, no Celta si verían con bos ollos a saída de xogadores como Emre Mor ou Jozabed, que apenas teñen sitio no once e que, se chega unha oferta interesante, farían as maletas para irse lonxe de Vigo. O caso de Radoja é máis complicado, apartado do equipo por non querer renovar e que en xaneiro xa pode empezar a negociar con outros clubs, aínda que no conxunto celtiña manteñen as esperanzas en poder sacar algo de diñeiro pola saída do serbio.


BO MOMENTO EN RIAZOR

No caso do Deportivo da Coruña o bo ritmo que están a marcar os herculinos na Segunda División fai indicar que non hai motivos para recorrer ao mercado. Con todo, o altísimo nivel que demostraron algúns dos seus xogadores chamou a atención de varios clubs, que buscan pescar talento a bo prezo na división de prata.


Domingos Duarte pode ser o caso máis claro, xa que o central portugués está a dar un rendemento notable no Depor, que teme algún equipo poida botar as súas redes sobre o luso, aínda propiedade de o Sporting de Lisboa pero que nunca escondeu o seu desexo de permanecer na Coruña se o equipo branquiazul logra o ansiado ascenso.


O Sevilla parece ser o primeiro en sondar a contorna do defensor, pero o club hispalense tamén ten apuntado na súa axenda o nome de Carlos Fernández, cedido polos andaluces no Depor, onde anotou un bo número de goles e fano ser unha opción para a dianteira sevilana se Machín decide repescarlo no inverno. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress