Santiago estrea mercado gastronómico e restaurante dun estrela Michelín

Os promotores din que investiron 2,5 millóns no mercado de Boanerges

Hai 10 postos gastronómicos un restaurante dirixido polo chef pontevedrés Yayo Daporta (Boamar), unha vinoteca, unha cervexaría, unha cafetería e unha coctelería

A piques de poñerse marcha un novo espazo gastronómico na capital de Galicia. Tras un "investimento de 2,5 millóns de euros" abre as súas portas  este xoves desde as 18:30 horas o Mercado de Boanerges, un espazo que aspira a "converterse en centro de peregrinación de composteláns e visitantes á cidade e nun lugar de culto ao mellor produto galego".

Lonxe do barullo da zona turística, situado no número 8 da rúa Monte do Seixo, xunto a El Corte Inglés, conta cunha superficie total de 1.085 m2 entre interiores e terrazas –máis un amplo aparcadoiro no soto con 28 prazas– e con "unha variada oferta gastronómica que se rexe por unha excelente relación calidade-prezo". Nel conviven dez postos gourmet e diversas propostas de restauración, entre as que destacan a coctelería de autor Boavoa e o restaurante Boamar, dirixido polo estrela Michelin pontevedrés Yayo Daporta.

IRMÁNS ACEVEDO

Os promotores e investidores do novo mercado gastronómico de Santiago de Compostela son os irmáns Pedro e José Ramón Acevedo. 

A súa decoración está inspirada nunha antiga praza de abastos, e o seu nome, Boanerges, que significa “fillos do trono”, fai referencia ao sobrenome dado por Jesús aos apóstolos Santiago e San Juan Evanxelista. 

Na planta do mercado atópanse os dez postos de alimentación, cada un deles dedicado a un produto xenuinamente galego.