Un dron puxo en perigo a miles de persoas que asistían a estrea das luces de Nadal


|

O piloto dun artefacto teledirigido tentou fuxir cando a Policía sorprendeuno voando un aparello sobre as miles de persoas congregadas en Vigo


A Policía Nacional detivo un home por atentado e resistencia á autoridade despois de ser identificado como o dono dun "dron" que sobrevoou o pasado sábado a cidade de Vigo por encima de miles de cidadáns asistentes á inauguración da iluminación de Nadal, poñendo en risco a súa integridade física, segundo as forzas de seguridade.


[Grupovigo] Nota De Prensa Da Comisaría De Policía Vigo Redondela
Axentes da Unidade de Prevención e Reacción da Policía Nacional que participaban no "dispositivo especial para o aceso das luces de Nadal en Vigo" detectaron o "dron" sobrevoando a zona centro e sobre as 21,00 horas localizaron ao piloto xunto a outro mozo na zona da Subida ao Castelo.

Ao ver aos axentes ambos se dispuxeron a abandonar "a fume de carozo" o lugar mentres gardaban o "dron" nunha bandoleira. No momento da identificación, o piloto empuxou á axente que lle requiría a súa documentación "tirándoa ao chan".

PERSECUCIÓN
Segundo o relato policial, a funcionaria e outro axente perseguíronos ata interceptalos a pouca distancia, pero os mozos resistíronse activamente á súa identificación, polo que "se procedeu á súa detención".

Os "drons" son máquinas que se sustentan en voo mediante o seu funcionamento electro-mecánico, e están "suxeitos a fallos na pilotaxe e ou a fallos de motorización", provocando nestes casos un "descenso brusco" a terra, como explicou a Policía.

POUCA VISIBILIDADE
Neste caso, a Policía informou de que os riscos aumentaban "exponencialmente" pois a visibilidade "era reducida para a pilotaxe guiada polo monitor tv do control remoto", e cos constantes claros e escuros entre a noite e a forte intensidade das luces a "complexidade" para pilotar o "dron" era maior.

Por este motivo, os axentes afanáronse en descubrir ao piloto deste "dron" pois a Policía estimou que tendo en conta a altura á que poden voar, o "impacto" nunha concentración masiva de cidadáns podía causar "lesións moi graves" ou mesmo o "falecemento" se chega a impactar directamente contra unha persoa.

MULTAS POR VOAR DRONS SOBRE GRUPOS
A Policía Nacional  lembra que os "drons" deben usarse conforme á normativa estatal reguladora da materia, e que de non ser así, proponse para sanción ao usuario ante a Axencia Estatal de Seguridade Aérea. O "uso indebido" de "drons" en zonas públicas pode carrexar "multas de ata 225.000 euros".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE