Investigada por intento de asasinato despois de denunciar "defensa propia" por unha agresión machista

A muller apuñalou ao seu marido, parcialmente invidente e en cadeira de rodas, alegando que estaba a sufrir violencia machista. Agora está a ser investigada por un presunto delito de asasinato en grao de tentativa.

Dependencias da Policía Nacional de Monforte de Lemos

A presunta autora deste ilícito, que alegou no momento da detención que o seu esposo tentáraa agredir e ela defendeuse, pasou a disposición do Xulgado de Instrución Número 2 de Monforte, onde se acolleu ao seu dereito a non declarar e foille comunicada prisión provisional sen fianza.

Tal e como indica a Policía Nacional, o suceso, que tivo lugar nunha vivenda da zona coñecida como Casas Baratas, resultou co traslado e hospitalización do home, que sufriu feridas superficiais e atópase estable.

Fontes próximas á investigación indicaron a Europa Press que a detida sofre "brotes psicóticos" que a manteñen en tratamento, aínda que non constan antecedentes por episodios violentos na parella. Así, a Policía Nacional aínda manteñen abertas as dilixencias para esclarecer o sucedido, descartando que se trate dunha agresión machista, tal e como alegaba a muller.

O home foi atendido polos servizos médicos do 061-Urxencias Sanitarias no lugar do suceso, tras o cal foi trasladado ao centro hospitalario de Monforte nunha ambulancia asistencial.