GiFi aterra en Galicia cun investimento dun millón de euros
A cadea francesa de produtos para o fogar escolleu Santiago de Compostela para abrir a súa primeira tenda, o próximo 17 de novembro
A cadea francesa de produtos para o fogar escolleu Santiago de Compostela para abrir a súa primeira tenda, o próximo 17 de novembro
Galicia é a terceira comunidade autónoma pola que apostou GiFi no seu plan de expansión por España. En 2019, a firma prevé unha nova apertura en Vigo
A empresa francesa de decoración e produtos para o fogar, GiFi, elixiu a cidade de Santiago de Compostela para abrir o seu primeiro establecemento en Galicia. Este emprazamento de 1.200 metros cadrados, que se inaugurará no parque comercial de Costa Vella o próximo 17 de novembro, supuxo un investimento de máis dun millón de euros, segundo datos dun comunicado da empresa
A cadea francesa prevé continuar co seu plan de expansión nesta rexión con a apertura dunha nova tenda en Vigo a comezos do ano que vén e realizará unha decena de aperturas no resto de España.
A tenda de Santiago, que "xerou 15 postos de traballo", é o sétimo punto de venda en España, xunto cos establecementos situados nas provincias de Valencia, Alacante, Barcelona e Xirona. C
O comercio aposta por produtos con "deseño orixinal a prezo alcanzable", cunha oferta adaptada ao consumidor da zona. Dispón máis de 20.000 referencias para o fogar, entre decoración, mobiliario, artigos de diversión, xoguete ou produtos do Nadal, dos cales un 75% presenta un prezo inferior a cinco euros.
Tras a adquisición da compañía de moda francesa Tati, GiFi posicionouse no primeiro posto do seu segmento en Francia, no que conta con máis de 483 tendas.
Escribe o teu comentario