As cláusulas multidivisa das hipotecas son nulas, falla un xulgado galego

O xulgado de primeira instancia número 1 de Pontevedra declarou nulas unhas cláusulas multidivisa correspondentes a unha hipoteca concedida para a compra dun local comercial.

|

Ábrese a porta para que autónomos e empresarios poidan reclamar as hipotecas que permiten o pago nunha cláusula diferente ao euro.



Avogados almunia

Letrados de Avogados Almunia | Facebook


O xulgado de primeira instancia número 1 de Pontevedra declarou nulas unhas cláusulas multidivisa correspondentes a unha hipoteca concedida para a compra dun local comercial.


Os demandantes contrataron dúas hipotecas deste tipo, segundo explica o despacho de avogados que lles representou, que ve neste fallo, do pasado 5 de outubro, unha sentenza "pioneira".


A primeira das hipotecas, segundo explica Avogados Almunia, acordouse coa finalidade de levar a cabo unha serie de reformas na vivenda, polo cal actuaron como consumidores.


En cambio, resaltan os avogados que a segunda se subscribiu para financiar a compra dun local comercial, polo que "realmente non estaban a actuar como consumidores, a pesar de recaer sobre a vivenda dos mesmos", indica.


Por este motivo, o xulgado de Pontevedra, segundo sinala o despacho de avogados, considerou nulas as cláusulas do contrato, xa que "contravenían a boa fe contractual".


Avogados Almunia interpreta que este fallo abre unha vía para reclamar a "venda irregular" deste tipo de hipotecas. "Permite a empresarios e autónomos reclamar a venda irregular de hipotecas multidivisa, facilitando así a revogación das súas cláusulas, no caso de que a entidade bancaria non informase correctamente sobre a súa venda", subliña.


As hipotecas multidivisa son un tipo de préstamo que permite o pago en divisas diferentes ao euro. A forma na que se comercializaron é a seguinte: o prestatario (persoa física que recibe o préstamo) obtén o financiamento nunha determinada divisa, que pode cambiar posteriormente para comprar algún ben, normalmente un inmoble.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE