Buitrón candidato a dirixir Podemos Coruña

O exsenador por En Marea e membro do Consello Estatal de Podemos presentarase a liderar a secretaría xeral do partido na Coruña, segundo confirman a Galicia Press fontes próximas a Podemos Coruña.

O exsenador García Buitrón

Fontes próximas a Podemos Coruña confirmaron a este medio que o exsenador de En Marea José García Buitrón presentarase como candidato á secretaría xeral da formación morada na Coruña.

O político, cunha dilatada carreira no mundo da medicina e que fose elixido senador nas eleccións xerais de 2015, postúlase así como unha das persoas que aspiran a liderar a formación na Coruña. O anuncio prodúcese poucas semanas despois de que Antón Gómez-Reino gañase as primarias pola dirección do partido fronte a Carolina Bescansa.

A candidatura supón seguir a liña oficialista de Podemos, despois de que no pasado fose expulsado da dirección cando Carmen Santos era secretaria de Podemos Galicia.