Estes son os trens suspendidos en Galicia pola folga contra a privatización de Renfe e ADIF

|

O cadro de persoal é escaso e demasiado maior pola falta de convocatoria de prazas, denuncial o sindicato convocante. O paro forzou a suspender 47 trens na comunidade.


A folga en Renfe convocada por CXT, que se deixou notar desde este mércores en trens de longa distancia, afecta a 33 trens internos na xeografía galega este mércores, que quedaron suprimidos. Ademais, outros 14 de longo percorrido foron cancelados.



FOLGA RENFE JAherguera


No conxunto do Estado, Renfe cancelou a circulación de 87 trens de Alta Velocidade e Longa Distancia para este mércores, 31 de outubro, o 21,6% dos inicialmente programados, ante a convocatoria dunha xornada de folga.


No caso de Galicia, o primeiro dos cancelados será o tren que sae de Vigo-Guixar ás 9,20 horas ata Valença do Minho e o último que non circulará ao longo do mércores é o das 15,10 horas entre O Carballiño e Ourense.


Hai en total 33 trens que non circularán ao longo do día e afectan os percorridos entre A Coruña e Ourense, Santiago-Vilagarcía, Pontevedra-Vigo, Ferrol-A Coruña e Lugo-Ourense, en ida e volta, entre outros percorridos dos que se pode informar o usuario en Renfe.


TRENS DE LONGO PERCORRIDO

Pola súa banda, xa non circularon os trens de longo percorrido que saíron a partir das 21,28 horas do día 30 seguintes: Pontevedra-Monforte, Madrid Chamartín-A Coruña, A Coruña-Madrid Chamartín, A Coruña-Ferrol e Ferrol-A Coruña.


Tampouco circulan este mércores 31 os seguintes trens: Vigo Guixar-Porto (8,58 e 19,56 horas), Porto-Vigo Guixar (9,15 horas e das 20,10 horas), Monforte-Pontevedra (6,15 horas), A Coruña-Ferrol (8,57 horas) e Ferrol-A Coruña (20,40 horas), Vigo-Guixar-Ourense (9,16 horas) e Ourense-Vigo Guixar (19,13 horas).


Este mércores tamén circularán atrasados os trens Pontevedra-Monforte (21,28 horas), Madrid Charmartín-A Coruña (22,14 horas) e A Coruña-Madrid Chamartín (22,15 horas).


MOTIVOS DA FOLGA

A Confederación Xeral de Traballo (CXT) de Galicia convocou folga do persoal de Renfe e Adif para este mércores, 31 de outubro, en "defensa dun ferrocarril público, social e de calidade" e "contra a privatización" do servizo e a "falta de persoal".


En total, segundo calcula a central, veranse reducidos oito trens de media distancia na liña Vigo-A Coruña e dous trens Avant A Coruña-Ourense. Ademais, non circularán os trens hotel de longa distancia Galicia-Madrid, o Intercity Vigo-Euskadi nin tampouco as oito conexións con Portugal.


Nun comunicado, o sindicato explica que en 2018 "suprimíronse máis de 80" convois na Comunidade "por falta de maquinistas", á vez que circularon no corredor atlántico "1.200 trens sen persoal de comercial e atención ao viaxeiro en ruta".


Asegura tamén que os despachos de venda de billetes teñen "longas colas porque habitualmente hai só un traballador atendéndoas", así como que "cada vez hai menos traballadores e máis traballo" nos talleres de mantemento de trens".


POUCO PERSOAL E MOI MAIOR

En canto á privatización, a CNT sostén que as manobras en apartaderos como As Gándaras (Lugo), o control de acceso de Ourense, o centro de servizos de Santiago e a venda de pasaxes no Barco e A Rúa (Ourense) son xestionados "por empresas privadas ante a falta de cadro de persoal ferroviario".


De igual modo, a central pide cumprir a Lei de Orzamentos Xerais e que se estableza "a xornada de 37,5 horas" por semana, pois esta "segue sen aplicarse" nin en Renfe nin en Adif. Ademais, a CNT demanda xubilacións parciais que leven parellos contratos de substitución que permita "rexuvenecer" ao persoal --a idade media actual é de 54 anos--.


Así mesmo, o sindicato carga contra as dúas empresas públicas por establecer uns servizos mínimos "abusivos, que obrigan a traballar ao 100%" do persoal de intervención, condución e despachos de billetes. Por iso, a CNT di estar "a estudar" a súa denuncia nos xulgados.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress