O Ministerio de Industria adianta "boas noticias" sobre Alcoa

A Ministra de Industria di que en "os próximos días" espera dar "boas noticias" sobre Alcoa. Reyes Maroto informa que xa se reuniu con investidores interesados nas plantas da Coruña e Avilés, que a empresa de EE.UU. quere pechar.

Protesta dos traballadores de Alcoa este luns

A política socialista non concretou o nome dos posibles investidores pero indicou que xa se están facendo estudos para determinar a situación das fábricas. A Xunta leva días reclamando ao Estado que modifique xa e de maneira estable o prezo da luz que pagan industrias grandes consumidoras, como a do aluminio, para así poder atraer investidores interesados en facerse cargo do que Alcoa pretende abandonar.

"Eu espero dar boas noticias dentro de pouco. Estamos a traballar intensamente, de forma moi coordinada cos gobernos autonómicos e os sindicatos, para darlle unha saída industrial a algunha das plantas que nos dixeron que pechan. Estamos a buscar alternativas. Eu creo que haberá boas noticias nos próximos días", dixo a mandataria.

Cando RNE lle prenguntó expresamente polas plantas Alcoa e os comentarios de la Xunta sobre posibles novos investidores, a ministra contestou que "así é, eu reuninme xa con algúns posibles investidores e estamos a definir eses escenarios, máis pronto que tarde poderemos dar boas noticias"

En declaracións esta mañá en Radio Nacional de España, referíndose tanto ao caso de Alcoa como a Vestas (a eólica danesa que pretende pechar a súa planta en León e que ten outra planta en Ribadeo) , a ministra mesmo abriu a porta a que os hipotéticos novos investidores faciliten a creación de postos de traballo.

Reyes Maroto admitiu que España sofre nos últimos meses un abandono constante de importantes proxectos industriais (Alcoa, Cemex, Vestas, etc.). A ministra culpou ao anterior goberno do PP de carecer de política industrial e de captación de investidores estranxeiros.

A socialista admitiu que "non podemos evitar péchelos pero se traballar para darlles unha saída alternativa" e  "traballar con outras empresas interesadas en darlle unha solución" a estas industrias.