Arrinca o V Certame Literario ‘Relatos de auga intelixente’

Viaqua prolonga a súa aposta pola concienciación nos mozos do uso responsable da auga mediante a literatura. A nova edición de ‘Relatos de auga intelixente’ inclúe novidades en canto á temática.

Por quinto ano consecutivo, Viaqua mantén a súa implicación coa concienciación nos máis novos do uso sustentable e responsable da auga, un dos recursos máis escasos e á vez necesarios do noso planeta. Para iso, a empresa pon en marcha a quinta edición do Certame Literario ‘Relatos de auga intelixente’, dirixido a alumnos e alumnas de ESO e Bacharelato ou Formación Profesional, que teñan entre 12 e 17 anos e que cursen os seus estudos en centros onde Viaqua presta o servizo de xestión da auga.

A través da literatura e os microrrelatos, o V Certame Literatio pretende animar aos máis novos a coidar o medio ambiente e a difundir a cultura da auga. O certame, que arrincou o pasado 1 de outubro, desenvolverase ao longo do último trimestre do ano, sendo o 31 de decembro a data límite para participar.

A edición deste ano inclúe a novidade de que nesta ocasión cambia a temática, centrándose na importancia da auga como recurso escaso e imprescindible para a vida. O obxectivo, tal e como rezan as bases do concurso, é que a través dun relato, que non debe superar as 200 palabras, conciencíese ao lector sobre os problemas sociais económicos e ambientais producidos por unha mala xestión deste recurso, así como as medidas de aforro e eficiencia que se poden empregar nas cidades e no noso día a día, para conseguir vivir en un mundo máis sustentable. Ademais, concederase un accésit ao relato co formato máis orixinal e un premio ao centro escolar que maior participación de alumnos rexistre.

Para participar, os alumnos interesados poden consultar as bases do concurso e os requisitos necesarios na seguinte ligazón.