A cadea humana contra o vertedoiro de Casalonga a vista de dron (VÍDEO)
A plataforma Casalonga Limpa de Residuos logrou un gran éxito este domingo ao xuntar miles de persoas, unhas 3.000 segundo os organizadores, nunha cadea humana. O colectivo non se fía das intencións de Toysal.
A plataforma Casalonga Limpa de Residuos logrou un gran éxito este domingo ao xuntar miles de persoas, unhas 3.000 segundo os organizadores, nunha cadea humana. O colectivo non se fía das intencións de Toysal.
A Xunta acaba de rexeitar a petición da empresa para unha planta de residuos, despois de que o Concello de Teo emitise un informe urbanístico negativo. Con todo, os veciños sospeitan que a compañía volverá á carga para instalar unha planta de biogás e un "vertedoiro encuberto" nunha canteira abandonada.
Trátase dunha zona moi poboada. Segundo datos da Plataforma, a un quilómetro viven ata 2.000 persoas. Moitas delas acudiron á súa convocatoria na mañá do domingo para seguir metendo presión. As súas camisetas negras e amarelas filmounas un dron desde o aire, nun vídeo de José Ferreira.
Escribe o teu comentario