Feijóo sobre Abel Caballero: "Está a perder todo o sentido do ridículo"

|

Caballerofeijoodespacho


O presidente da Xunta, Alberto Núñez Feijóo, cargou este xoves con dureza contra o alcalde de Vigo, Abel Caballero. "O alcalde de Vigo e o sentido do ridículo son absolutamente incompatibles", aseverou o xefe do Executivo autonómico.


Manifestouno, despois de ser preguntado sobre a intención do goberno vigués, con Caballero á fronte, de activar no ámbito local unha comisión que investigue os contratos da época na que Feijóo mantivo unha relación con Marcial Dorado.


Feijóo non se pronunciou sobre este extremo e limitouse a criticar a Caballero, a quen definiu como "un personaxe" que "non de sorprender" e que "se supera a si mesmo".


Respecto diso, instou a ver as declaracións sobre a iluminación do Nadal que o rexedor ofreceu na pasada xornada. "Cada galego cualificarao en por si", manifestou, antes de concluír que, "dentro da evolución do personaxe, queda claro que xa está a perder todo o sentido do ridículo".


"Sentido do ridículo e alcalde de Vigo son absolutamente incompatibles. Se quere seguir por esa vía, ten todas as capacidades, aínda que é difícil mellorar", sentenciou.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress