O municipio de Melón será a imaxe do cupón da ONCE o 13 de setembro

O municipio ourensán de Melón protagoniza o cupón da ONCE do xoves 13 de setembro, que corresponde á serie 'O meu pobo', que consta de 91 cupóns dedicados a localidades con nomes singulares. Cinco millóns e medio de cupóns difundirán a imaxe de Melón por toda España.

Os municipios ourensáns de Avión e Melón foron os elixidos nesta provincia para formar parte da serie. Melón, cuns 1.500 habitantes pertence á comarca do Ribeiro, e conta con lugares histórico-artísticos de especial interese, como o antigo Mosteiro Cisterciense, e naturais, como as pozas e as fervenzas.

Os cupóns da ONCE comercialízanse polos 20.000 axentes vededores da organización.