Haberá Comisión de Investigación no Parlamento sobre o Marisquiño
Tras moito amagar, o PP permitiu que haxa unha comisión oficial que investigue o sinistro. Os conservadores esperan así apertar o cerco sobre o alcalde de Vigo (PSOE), a pesar de que a outra administración implicada, a Autoridade Portuaria, está dirixida por un membro do seu partido.
Tras moito amagar, o PP permitiu que haxa unha comisión oficial que investigue o sinistro. Os conservadores esperan así apertar o cerco sobre o alcalde de Vigo (PSOE), a pesar de que a outra administración implicada, a Autoridade Portuaria, está dirixida por un membro do seu partido.
Con todo, o presidente do porto de Vigo, Enrique López Veiga, non é unha persoa próxima ao presidente da Xunta. De feito, López Veiga foi rival de Alberto Nuñez Feijóo na loita polo liderado do partido. Por tanto, os conservadores interpretan que poden sacar rédito político desgantando ao alcalde socialista.
O Parlamento de Galicia albergará, finalmente, unha comisión de investigación para determinar as causas e dirimir as responsabilidades políticas no accidente rexistrado o pasado 12 de agosto durante a celebración do festival de O Marisquiño, en Vigo.
A apertura dunha comisión na Cámara autonómica foi aprobada cos votos dos dous grupos que pedían esta iniciativa --En Marea e BNG-- e coa abstención do PPdeG, cuxa portavoz no debate, Teresa Egerique, asegurou que o seu grupo non "impediría" a investigación, pero ao tempo defendeu que os populares non queren "circos".
Un día antes de coñecer cal sería o sentido de voto dos populares, socialistas vigueses trasladaran unha advertencia: a posibilidade de crear dúas comisións de investigación no Concello --una sobre "a relación de Núñez Feijóo co narcotraficante Marcial Dorado" e outra sobre a "discriminación" e "abandono" da cidade olívica por parte da Xunta de Galicia do PP--.
Escribe o teu comentario