O primeiro paso de vaca chega á Coruña nun achegamento do rural á cidade
"Trátase de poñer en valor á vaca, pola súa importancia vital no rural, xerando riqueza e emprego, e pola súa persistencia inseparable da paisaxe galega"
A explotación leiteira Casa Grande de Xanceda inaugura este mércores o primeiro paso de vaca, "unha acción no Obelisco de Coruña que reivindicará a figura da vaca como icona galega".
Segundo explican desde a empresa, o primeiro paso de vaca da cidade substituirá ao paso de peóns nun achegamento do rural á cidade onde as persoas asistentes poden experimentar "a sensación de estar no medio dun prado rodeado de vacas ou mesmo de aprender a ordeñar unha".
"Trátase de poñer en valor á vaca, por a súa importancia vital no rural, xerando riqueza e emprego, e pola súa persistencia inseparable da paisaxe galega", explican desde a Casa Grande de Xanceda. Ante os máis de seis meses de perdas e baixada constante do prezo do leite, expoñen, "é un bo momento para realizar unha reivindicación" dunha industria que sitúa á nosa comunidade como a maior produtora de leite de España.
O mércores entre as 10.00h e as 18.00h o Obelisco acolle a inauguración do primeiro paso de vaca.
Escribe o teu comentario