Funcionarios de Xustiza denuncian o "colapso" no xulgado de Pilar de Lara, que leva 10 anos instruíndo a Carioca

|

Dez anos instruíndo a Operación Carioca e seis a Operación Pokemon. Dous das operacións anticorrupción máis importantes da historia de Galicia continúan empantanadas no xulgado de instrución número 1 de Lugo moitos anos despois. Ante tales atrasos, un representante dos traballadores reclama máis medios e alerta das consecuencias para outras causas.



Pilardelara

Pilar de Lara


O delegado de UXT nos xulgados de Lugo, Jesús Castro, reclamou este xoves un xulgado de instrución máis para a cidade ante o "colapso" que vive o número uno, que leva a xuíza Pilar de Lara.


Así, Castro defende a necesidade de que se cre "outro xulgado de instrución" na cidade amurallada. Neste momento hai tres, e alerta de que "entran de garda cada tres semanas e nun mes poden estar ata dúas veces de garda e isto atrasa todo".


Ademais, cre necesaria a posta en marcha doutro xulgado do penal e outro do social. "En Lugo o último que se creou foi o de Vixilancia Penal, e diso fai tres ou catro anos", lembra.


AS MACROCAUSAS PROVOCAN ATRASOS NO RESTO

Así mesmo, demandou á Xunta que "se reforce con máis persoal, tanto a nivel de xuíces como de persoal de oficina", o xulgado que dirixe Pilar de Lara para "poder facer fronte a todas as macrocausas que leva".


"O número uno ten macrocausas pendentes con moitos imputados, con moita xente, e causas complexas que provocan que se retarden toda as demais", advirte. Ademais, avisa da lentitude en diversos informes que se piden, por exemplo os encargados á UCO da Garda Civil.


UNHA DÉCADA INSTRUÍNDO A CARIOCA

E é que neste xulgado permanecen abertos casos tan mediáticos, como a 'Carioca', sobre redes de prostitución, que cumprirá dez anos a finais de 2018 desde que arrincou a investigación, ou a 'Pokémon', sobre corrupción, aberto fai case seis anos. Estas causas conviven coa 'Condor', sobre branqueo, ou a 'Polbo' que ten que ver coa Deputación de Lugo.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress