Detido un agresor por violencia machista contra a súa parella
O agresor foi detido o domingo en Santiago por golpear á súa parella na vivenda do matrimonio na rúa Pastoriza e ameazala cun coitelo
Rúa Pastoriza
Un home foi detido o domingo en Santiago por agredir á súa parella na vivenda do matrimonio na rúa Pastoriza e ameazala cun coitelo.
Segundo informa a Policía Local nun comunicado, a detención produciuse tras a chamada dunha muller que solicitaba presenza policial polas agresións do seu marido.
Unha vez no lugar, os axentes observan á muller vestida con roupa de durmir e descalza. Esta trasladou aos policías que fuxira do seu domicilio polos golpes recibidos. Tras iso, recibiu asistencia médica e foi trasladada a un centro hospitalario.
Posteriormente, os homes trasladáronse á vivenda na que ocorreron os feitos, onde procederon a identificar o individuo e a detelo.
Escribe o teu comentario