Máis de 500 vehículos seminovos, quilómetro cero e ocasión no I Salón Outletcar Silleda

Entre o 14 e o 16 de setembro a Feira Internacional de Galicia acolle a primeira edición do Salón Outletcar Silleda, unha feira de oportunidades na que se mostrarán máis de 500 vehículos seminovos, quilómetro cero e de ocasión. 

Nos 11.000 metros cadrados que ocupa a exposición haberá unha ampla oferta de opcións económicas e propostas de alta gama, con "excelentes garantías e condicións, segundo explica a organización, xa que moitas firmas ofrecen descontos exclusivos para este salón. 

Entre as 10.00h e as 20.00h do 14, 15 e 16 de setembro o público poderá entrar ao recinto cunha entrada de 3 euros por día e persoa, nun espazo onde o 80% está reservado a concesionarios e compravendas.