Coren integrará a 1.350 falsos autónomos de Servicarne, denunciada ante Inspección de Traballo
CC.OO. informou de que Coren integrará no seu persoal a 1.350 falsos autónomos que prestaban servizos para varias empresas do grupos a través da cooperativa Servicarne, denunciada polo sindicato ante Inspección de Traballo.
CC.OO. informou este luns de que Coren integrará no seu persoal a 1.350 falsos autónomos que prestaban servizos para varias empresas do grupos a través da cooperativa Servicarne, denunciada polo sindicato ante Inspección de Traballo.
A decisión de integrar a estes traballadores como persoal indefinido terá efectos a partir do 1 de agosto e beneficia a uns 800 traballadores na provincia de Ourense, 300 en Lugo e 250 en Pontevedra, segundo informa este luns o sindicato nun comunicado.
Así mesmo, CC.OO. indica que velará por garantir que estas persoas, ademais de estar baixo cobertura do convenio de cárnicas, "vexan respectada a súa antigüidade e sexan encadradas na categoría correspondentes ás súas funcións".
Respecto diso, o sindicato agradece a Inspección de Traballo o esforzo realizado, "tanto pola envergadura como pola singularidade das características do expediente".
Nesta liña, lembra que a denuncia contra Servicarne é parte dunha campaña estatal contra diferentes cooperativas de traballo autónomo que CC.OO. considera que cometen "fraude" -como falsos autónomos- e competencia desleal.
Escribe o teu comentario