Xornada de protesta nos Puntos de Atención Continuada (PACs) do SERGAS

O persoal dos Puntos de Atención Continuada (PACs) seguen coas súas protestas reclamando melloras laborais e denunciando a "deterioración da calidade na asistencia á cidadanía". Así este martes haberá "concentracións de protesta" e "entrega de solicitudes axuste de xornada laboral ordinaria" diante de todas as xerencias do SERGAS.

A da Coruña, por exemplo, está convocada para as 11 horas. Na súa convocatoria, a plataforma PACs en Pé de Guerra recoñecen que hai aberto un proceso de negociación coa Xunta. Iso si, critican o suposto "deixamento" da Consellería de Sanidade "alongando o proceso de maneira inexplicable e ofrecendo poucas ou nulas posibilidades de avance". 

Por iso, na documentación que entregarán o martes, os profesionais pedirán formalmente que a súa xornada de traballo axústese ao plan aprobado en 2008.