Policías denuncian que o reforzo de axuda ás vítimas de violencia de xénero é mentira

Os catro sindicatos máis importantes da Policía Nacional unen as súas voces para denunciar a "grave" falta de axentes en Galicia. Algúns datos que facilitan sobre as carencias son especialmente preocupantes. Por exemplo "este verán as Comisarías de Galicia estarán ao 60% do seu persoal" ou a falta de persoal especializado para unidades específicas como as que atenden ás familias.

Ante esta situación, Sindicato Unificado de Policía, Confederación Española de Policía, Unión Federal de Policía e Sindicato Profesional de Policía cualifican de "engano" algún dos recentes anuncios do Goberno.

"Como se pretende establecer reforzos de servizos de protección ao turismo, porqué declárase publicamente enganando á Sociedade con que se reforzasen os servizos de atención ás vítimas de violencia de xénero e os de recepción de denuncias, con que se reforzasen os servizos en espectáculos públicos, e con que haberá un aumento da presenza policial nas cidades, nos montes, etc, cando só haberá 2 de cada 3 Policías nas Comisarías?", pregúntanse.

OS AXENTES EN PRÁCTICAS SON UN PARCHE

As centrais admiten que a chegada de policías en prácticas axudará a paliar os problemas. Hai que ter en conta que, tras anos de crises con magras Ofertas Públicas de Emprego, o número de prazas para novos axentes subiu un pouco. 

En todo caso, os sindicatos  lembran que os mozos en prácticas "non son a solución á grave escaseza de persoal" en departamentos que esixen especialización como os grupos de investigación, as oficinas de denuncias e as unidades de familia. Así, apuntan a que os policías en prácticas non teñen acceso á aplicación informática para tramitar denuncias.