Lugo Novo e outras mareas súmanse a unha candidatura común

Luís Villares gaña apoios no seu plan para articular as mareas locais para poder conseguir poder nas deputacións. A marea de Lugo e a de Pontevedra participarán nesta iniciativa, xunto a outras máis pequenas. Sim embargo, a clave está nas mareas mais grandes (Santiago e A Coruña), enfrentandas con el, e que aínda non decidiron participar.

Luís Villares

As mareas das localidades pontevedresas de Cambados, Sanxenxo e Ponte Caldelas sumáronse ao protocolo que ofrece a dirección de En Marea para concorrer ás eleccións municipais do próximo ano baixo o "paraugas instrumental"; un protocolo que ten por obxectivo sumar os votos para aumentar a presenza dos proxectos municipalistas nas deputacións.

O acordo foi ratificado na tarde noite do pasado sábado nun acto celebrado no recinto de Expo Salnés de Cambados con presenza do portavoz rupturista, Luís Villares.

Deste xeito, Somos Cambados, Somos En Marea Sanxenxo e En Marea Ponte Caldelas súmanse a Marea de Culleredo e Marea Pontevedra, as primeiras candidaturas municipalistas en sumarse ao protocolo que, ademais do mencionado "paraugas" de marca, tamén implica o apoio da organización a nivel galego en materia de loxística e coordinación para a campaña electoral.

ENFRONTAMENTO EN FERROL

A próxima en adherirse ao acordo, segundo informou o partido instrumental nun comunicado, será Lugo Novo. Con todo, está por ver en que medida súmanse á proposta algunhas das mareas máis representativas do espazo político, tendo en conta que as diferenzas coa dirección que encabeza Luís Villares acrecentáronse tras o respaldo de certos membros da coordinadora ao nacemento de Marea de Ferrol, que competirá nas urnas con Ferrol en Común, candidatura que goberna a cidade ferrolá desde 2015.

ACTO ESTE SÁBADO

Villares foi o encargado de pechar o acto do pasado sábado cunha intervención na que celebrou a firma do protocolo con Somos Cambados, que forma parte do goberno de coalición que rexe o municipio do Salnés desde 2015. Pola súa banda, Somos EM Sanxenxo e En Marea Ponte Caldelas vivirán en 2019 a súa primeira cita coas urnas tras a súa fundación o pasado ano.

"Apoiamos a República do Mar, porque somos republicamos, porque defendemos a fraternidade como idea de estar na vida dunha maneira, querendo para os demais aos que non coñecemos o mesmo que queremos para os que si coñecemos", expresou Villares.